Հայաստանում կանցկացվի ամառային տեխնոլոգիական ճամբար սփյուռքի և ՀՀ-ի դպրոցականների համար

690
դիտում
23.03.2017 | 17:21
Հայաստանում կանցկացվի ամառային տեխնոլոգիական ճամբար սփյուռքի և ՀՀ-ի դպրոցականների համար

Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից անցկացվող ամառային տեխնոլոգիական ճամբարը հրավիրում է Սփյուռքի դպրոցականներին իրենց ամառային արձակուրդն անցկացնել հայրենիքում՝ հասակակիցների հետ համատեղելով ակտիվ հանգիստը, հայրենաճանաչությունն ու ինժեներական դասընթացները:

«Ամառային տեխնոլոգիական ճամբարն անցյալ տարի միավորել էր ՀՀ բոլոր մարզերի շուրջ 600 դպրոցականների: Ճամբարը միանշանակ հաջողված էր և մենք որոշեցինք այս տարի էլ ավելի ընդլայնել սահմանները և համախմբել նաև սփյուռքի դպրոցականներին: Այս ճամբարը յուրահատուկ հարթակ է, որտեղ աշխարհի տարբեր ծայրերում գտնվող հայ երիտասարդները կշփվեն, կսովորեն և ազատ ժամանակ կանցացնեն միասին, որը կարող է լավ ընկերության և ինչու չէ նաև գործընկերության հիմք հանդիսանալ: Ճամբարի նպատակներից է նաև դպրոցականների մոտ զարգացնել թիմային ոգու գաղափարը», նշում է ԻՏՁՄ գործադիր տնօրեն Կարեն Վարդանյանը:

8 օրյա տեխնոլոգիական ճամբարի օրակարգը հագեցած է մասնագետների կողմից մշակված ռոբոտաշինության, ծրագրավորման դասընթացներով, մրցույթներով, հայրենաճանաչության ուղղված միջոցառումներով (արշավներ, ազգային պարերի դասընթացներ, նախնական հրազենային պատրաստություն, բուժ.պատրաստություն, քարտեզագիտություն) և մի շարք ժամանցային ծրագրերով: Միջոցառումները կանցկացվեն համապատասխան գիտելիքներ ու փորձ ունեցող ջոկատավարներների կողմից: Կապահովվի 3 անգամյա սնունդ և անհրաժեշտ գույքով կահավորված հարմարավետ սենյակներ: Ճամբարի սկզբում երեխաները բուժզննում կանցնեն և մասնագետի ուշադրության կենտրոնում կլինեն ողջ ընթացքում:

Ամառային ճամբարին կարող են մասնակցել Սփյուռքում բնակվող 10-17 տարեկան երեխաները, ինչպես նաև ՀՀ-ի բոլոր մարզերում գործող «Արմաթ» ինժեներական լաբորատորիաների և ռոբոտաշինության խմբակների սաները և հայաստանյան ընկերությունների աշխատակիցների երեխաները: Համապատասխան ֆինանսական միջոցներ ձեռք բերելու դեպքում, ճամբարին կմասնակցեն նաև անապահով ընտանիքի երեխաներ:

Ամառային տեխնոլոգիական ճամբարի մասնակցության պայմանները հասանելի են ռուսերեն և անգլերեն լեզուներով:

Կարդացեք նաև
Մեկնաբանություններ (0)
Մեկնաբանել




07.06ArmPhone. եթե այդքան հեշտ լիներ, բոլորը հիմա հեռախոս կարտադրեին
MICROSOFT LUMIA 640 DUAL SIM
82,500 դրամ
MICROSOFT LUMIA 640 DUAL SIM
Nokia 215 Dual SIM
20,000 դրամ
Nokia 215 Dual SIM
Nokia Lumia 930
195,000 դրամ
Nokia Lumia 930
Nokia Lumia 1520
285,600 դրամ
Nokia Lumia 1520

ՄԵՐ ՀԱՐՑՈՒՄԸ

Արդյո՞ք Ձեզ դուր են եկել նոր iPhone-ները
Արդյո՞ք Ձեզ դուր են եկել նոր iPhone-ները
www.mwnews.am
Developed by: Hovhannes Bantikyan
Back to Top